قبل الماتش الحاسِم فـ”إياب” ربع نهائي دوري أبطال أوروبا ضد ليفربول، خرج لويس إنريكي بتصريحات كتحط النقط على الحروف بخصوص الوضعية الصحية لركائز باريس سان جيرمان.
بخصوص برادلي باركولا، زفّ المدرب الإسباني خبر سار للجماهير، حيت أكد باللي الشاب لّي عندو 23 عام قريب يرجع للميادين من بعد غياب طويل. إنريكي وضح باللي القرار النهائي غادي يتخاد من بعد الحصة التدريبية الأخيرة فـ”أنفيلد”، باش يتأكدوا من الجاهزية البدنية ديالو، وهو الشيء لّي غادي يعطي حلول هجومية إضافية للفريق.
أما بخصوص فابيان رويز، فالغموض باقي كيطغى على وضعيتو. إنريكي شدد على ضرورة احترام البروتوكول الطبي ورفض يغامر بسلامة اللاعب، واخا أكد باللي “رويز” بدا كيتدرب مع المجموعة وكيماثل للشفاء بشكل إيجابي. ورغم أن الدولي الإسباني غادي يغيب على رحلة ميرسيساید، إلا أن المؤشرات كتقول باللي العودة ديالو للملاعب ولات مسألة وقت فقط، وهو خبر كيطمئن مكونات النادي الباريسي فهاد المرحلة الحاسمة من الموسم.